പൊരുള്‍

എന്റെ കൌമാരവും ,യൌവനവും
ഓര്‍മകളുടെ പിന്നാമ്പുറത്തെക്ക്
മറഞ്ഞു പോകാനുള്ളതല്ല
വിശപ്പിന്റെ
ആര്‍ത്തി പൂണ്ട നാട്ടുച്ചകളാണ്
അവസാനം കിളിര്‍ത്ത ഓര്‍മ്മ യായി
എന്നില്‍ അവശേഷിക്കുന്നത്
കനല് കത്തുന്ന പ്രായത്തിലും
അതിര് വിട്ട് ഒന്നും പ്രവര്‍ത്തിച്ചില്ല
കയ്യില്‍ കത്തുന്ന കനല്‍ കട്ട എങ്കിലും
മുറുക്കി തന്നെ പിടിച്ചു
പക്ഷേ,
ഇന്നെനിക്കു എന്റെ ക്ഷമയെ
പിടിച്ചു നിര്‍ത്താന്‍ കഴിയുന്നില്ല
സത്യത്തിനു പട്ടട തീര്ത്തവരുറെ
പുതു ലോകമിത്
സത്യത്തിന്റെ ഉറവ തേടി ഞാന്‍ പോകുന്നു
ആഴം കാണാത്ത അടിത്തട്ടെങ്കിലും
കണ്ടേക്കും അവിടെ
ഞാന്‍ തേടുന്നതിന്റെ പൊരുള്‍