മറഞ്ഞു പോയ മൂല്യങ്ങളെ
മനനം ചെയ്തെടുക്കുവാന്‍
ഏതേതു കാലങ്ങളെ
ഖനനം ചെയ്തീടെണം
പ്രവിദാരണ വിദ്യയ്ക്ക്
പ്രതിഫലമായി
പെരുവിരല്‍ മുറിച്ചു കൊടുത്തവനെ .
പരിശുദ്ധഎന്ന്തെളിയിക്കാന്‍
അഗ്നി ശുദ്ധിയില്‍ തെളിഞ്ഞു വന്നവളെ .
മൌനത്തിന്റെ വാത്മീകത്തിലിരുന്നു
ആദിമ കാവ്യ മെഴുതിയവനെ .
അനന്ത നീലിമയാര്‍ന്ന ആകാശത്തെ ,-
അലയാഴിയെ,ഭൂതലത്തെ,
ഭൂമി മലയാളത്തെ .
മുല പറിച്ചെറിഞ്ഞവളെ .
കണ്ണിലെ കാട്ടു തീയാല്‍
പുരിചുട്ടു ചാമ്പലാക്കിയവളെ.
അടിയന്തരാവസ്ഥയില്‍ ആരുമറിയാതെ
അസ്ഥി കൂടം പോലും പൊടിയായവരെ.
കൊടിയേറ്റി നടന്നവരെ
ഇടനെഞ്ചു പിളര്ന്നവരെ
അട്ത്തൂണ്‍പറ്റി ചെയ്തുപോയ തെറ്റ്
ഏറ്റുപറഞ്ഞ്
ആത്മീയതയിലേക്ക് ഇറങ്ങി പുറപ്പെട്ടവരെ
അറ്റുപോയ ബന്ധങ്ങളെ
ചിറകറ്റ പൂമ്പാറ്റ സ്വപ്നങ്ങളെ
ഇറങ്ങിപോയ വാക്കുകളെ
ആത്മഹത്യ ചെയ്ത തുമ്പികളെ
തലച്ചോറിലെ വറ്റുകളെ
രക്തങ്ങളെ
സാക്ഷികളെ
രക്ത സാക്ഷിത്വം വരിച്ചവരെ
നക്ഷത്രങ്ങളെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ