നേരംകെട്ട നേരത്ത്
വഴിയോരത്തൊരു പെണ്കുട്ടി
നില്ക്കുന്നു
വിശപ്പിന്റെ മുള്ളൻപന്നി-
സൂചിയേറ്റ്
കുടിലിലുള്ളവർകൂട്ട നിലവിളി -
നടത്തുമ്പോൾ
കഴുത്തിലൊരു കയർ കെട്ടി
ചോരച്ചാലിൽ നില്ക്കുന്നു
കലങ്ങിയ കണ്ണിൽഒരു നക്ഷത്ര-
മണിയുന്നു
വാടിയ ചുണ്ടിൽചിരിയുടെ
ചുവന്ന പൂവ് ചൂടുന്നു
ഉടയാട ഉരിയുവാൻ ഉടുത്തൊരുങ്ങി -
നില്ക്കുന്നു
പീഡകർക്കുവേണ്ടി പാഠ പുസ്തകമാകുന്നു
മാർക്സും,കൃസ്തുവും,കൃഷ്ണനും
കണ്ണ് പൊത്തി നിൽക്കുമ്പോൾ
നെറ്റിയിൽഞെരിഞ്ഞിൽ കിരീടവു-
മണിഞ്ഞവൾ
ഇരവിന്റെ ഇരയായ് എരിഞ്ഞു നില്ക്കുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ