മഞ്ഞക്കാലൻ മൂസയായിരുന്നു
മൂന്നാം ക്ലാസിലെ മൂപ്പൻ
സ്റ്റീഫൻമാഷെ സ്കെയിലായിരുന്നു
അച്ചടക്കത്തിന്റെ അതിര്
മാഷില്ലാത്ത നേരം മേശയിൽ
മാഷായിരിക്കും സ്കെയിൽ
സ്കെയിലു കണ്ടാൽ അറിയാതെ
മലർന്നു കിടക്കും മടിയിൽ -
പാഠപുസ്തകം .
അച്ചടക്കത്തിന്റെ അതിര്
മായ്ച്ചു കൊണ്ടിരിക്കും മൂസ
മൂസയുടെ കൈ വെള്ളയിലും,-
തുടയിലുംകാണാം
സ്കെയിലിലെ തേഞ്ഞുപോയ
അക്കങ്ങളും,അളവുകളും
സ്കെയിലില്ലാത്ത കുട്ടികളുടെ
അളവ് കോലായിരുന്നുമൂസ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ