സ്വപ്നങ്ങളുടെ തുടർച്ചയെ
സ്വപ്നം കാണാൻ ശ്രമിച്ച്
പരാജയമടഞ്ഞ
വിഷാദത്തിനു വിധേയനായി
അൽപ്രാക്സിൽ അഭയം തേടിയ
ഒരു ഹതഭാഗ്യൻ.
സ്വപ്നത്ത്തിലെന്നും മരിച്ചവരെ
മാത്രം കാണുന്നു
കളിപറയുന്നു,ചിരിക്കുന്നു
കുടുംബ പ്രാരാബ്ദ്ധം
പങ്ക് വെയ്ക്കുന്നു
പൊടുന്നനെ ഞെട്ടിയുണർന്നു
തൊട്ടു നോക്കുന്നു
ജീവിച്ചിരിപ്പുണ്ടെന്ന്
തിരിച്ചറിയുന്നു
ജീവിച്ചിരിക്കുന്നവരെ
സ്വപ്നം കാണാത്ത
ജീവിത മെന്ത് ജീവിതമെന്നു
ഓർമ്മിച്ചെടുക്കുന്നു
തിരക്കിട്ട് ജീവിതത്തിന്റെ
ഒറ്റയടി പ്പാതയിലേക്ക്
ഊളിയിട്ടിറങ്ങുന്നു
കാറ്റ് കടലിനെ കിക്കിളിയാക്കുന്നു
തിരകൾ ചിരിച്ച് തുള്ളി കുത്തി മറയുന്നു
പ്രണയത്തിന്റെ ഒറ്റ യിലയിൽ
പച്ചപ്പ് പടരുന്നു
..............................................................
അൽപ്രാക്സു-വിഷാദ രോഗത്തിനുള്ള മരുന്ന്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ