വിത്തിറക്കലും
വിളവെടുപ്പും
ഉത്സവമായിരുന്നു
അന്നൊക്കെ
ഒപ്പരം തന്നെ ഉണ്ടായിരുന്നു
വിഷുവും, ഓണവും
തേക്കിലവട്ടികളിൽ
വട്ടപ്പിരിയൻ, കണ്ണൂച്ചിങ്ങ
കാക്കപ്പൂ ,മുക്കുറ്റി
ഇന്ന്,
കാടെല്ലാം കാടേറിപോയി
അണ്ടിക്കാട്
റബ്ബർക്കാടായി
കുന്നുംപുഴയും
കയറ്റിപ്പോയവർ
കൂടെ ഓണവും, വിഷുവും
കയറ്റിപ്പോയത്
നമ്മളൊന്നുമറിഞ്ഞില്ല
മുമ്പേ കൊണ്ടുപോയിരുന്നു
മുല്ലയും, മുക്കുറ്റിയും
ആഘോഷങ്ങളെല്ലാം
കച്ചവടമായപ്പോൾ
ലോറികേറി വരുന്നുണ്ട്
മുല്ലയും, മുക്കുറ്റിയും
ഇപ്പോൾ,
കൊല്ലന്തോറും
പാണ്ടിലോറികേറിവരുന്നുണ്ട്
ഓണം
അത്തം മുതൽ പത്തുദിവസം
കൊണ്ടിരുത്തും
മുക്കിലും മൂലയിലും വരെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ