ആ.... ഹാ.... എത്ര മനോജ്ഞം
പ്രണയാമൃതമാപാംഗ വീക്ഷണം
തരളിതമാക്കും ചിത്തം
വർണ്ണാലാപ പീയൂഷം നമ്മിൽ
കുളിരായ് വന്നു ഭവിക്കും
തൊണ്ടിപ്പഴം പോലുള്ളോരധരം
മധുരം വഴിഞ്ഞൊഴുകുന്നു
ഫാലത്തിൽ തൊട്ട മാലേയത്തെ
കുരളം ഇക്കിളിയാക്കും
നാസിക തന്നിൽ വജ്രപ്പൊടിപോൽ
സ്വേദം വിളങ്ങീടുന്നു
കാർത്തസ്വരമണികൾ തീർക്കും
പാദസര ശിഞ്ജിത നാദം
എല്ലാം കൊണ്ടും കോമളമയിയാം
സ്നേഹമയിനീയില്ലെങ്കിൽ
ഭൂതിയിതെന്തീ ബ്ഭൂലോകത്തിൽ
എല്ലാം നിശ്ചലം!ശൂന്യം!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ