മഴ മിഴിയൊന്നു തുറന്ന -
തേയുള്ളു
തള്ളി മറിച്ചിട്ട പോലെ
തുള്ളിക്കൊരു കുടം
കുണ്ടനിടവഴിയില്ല,
നടവഴിയില്ല,
കുഴിയില്ല, കുളമില്ല
തോടില്ല ,തൊള്ള തുറക്കും
കാട്ടാറില്ല
പല പാടും വഴി നോക്കി
ഇഴയാൻ പോലുമില്ല സ്ഥലം
ഒഴിഞ്ഞു പോകുവാൻ ഇനി -
യെന്തു ചെയ്യും
വളഞ്ഞും പുളഞ്ഞും നോക്കി.
അനങ്ങാതെ നിന്നു
ഓളങ്ങളിലാടി
ഭള്ളുകൊണ്ടൊന്നുമല്ല
തളളിയത്
ശ്വാസം മുട്ടിയപ്പോൾ ഒന്നു -
നിവർന്നതാണ്
നിമിഷം കൊണ്ടാണ്
സംഭവിച്ചത്
ഭയാനകമായ ശബ്ദം മാത്രം
തകർന്നടിയലുകൾ, ആർത്ത
നാദങ്ങൾ
ഞാനിപ്പോഴെവിടെ?!
ജലത്തിന് സ്ഥലജല ഭ്രമം !
മഴ മുനയുള്ള പുഴയായ്
ചെന്നിണമായെങ്ങോട്ടോ
കുന്നുകേറി പായുന്നു !
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ