വാക്കിനു വാളിന്റെ മൂര്‍ച്ച .
അസ്വസ്ഥതയുടെ അസിധാര -
ഇടനെഞ്ചിലേക്കിറങ്ങുന്നു
ഹൃദയത്തില്‍ ഒരു വാള്‍ മുറിവ്
സിംഹ ത്തിന്റെ സ്ഥാനത്ത്
ശൃഗാലനിരിക്കുന്നു
ഒലീവില വെടിഞ്ഞ
സമാധാനത്തിന്റെ പക്ഷി
വെടിയുണ്ടയുടെ ഒരു വര (മര )ണ-
മാല്യവുമായി പറന്നിറങ്ങുന്നു
ഹവിസ്സൊരുക്കി ഒരു കാക്ക
കാത്തിരിക്കുന്നു
അത്തിമരത്തിനരികില്‍
ഇത്തിരി നേരം
ഉഷ്ണ മുണക്കാന്‍ കാത്തിരിക്കുമ്പോള്‍
ഉന്നിദ്ര മായ ഒരു പുക
വെള്ളപുതപ്പിച്ചുഎന്നെ
തെക്കേവളപ്പിലേക്ക്എടുക്കുന്നു
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ