മനസ്സില്‍ ധൂമം നിറയുന്നു
തലയില്‍ കരിംകൊക്ക് കൊത്തുന്നു
വെയില്പ്പാമ്പു ചുറ്റി വരിയുന്നു
വണ്ടി കുംഭകോണത്ത് എത്തിയിരിക്കുന്നു .
പത്രത്തിലെങ്ങും"കുമ്പകോണ" വാര്‍ത്തകള്‍
മൊഴികളിലൂടെ കനികള്‍നേടിയവരുടെ
കനിമൊഴി വാര്‍ത്തകള്‍
കുമ്പമേളകളാണവര്‍ക്കിന്നു
കോണകമുരിഞ്ഞു കുമ്പകുലുക്കിയ്യുള്ള
കുമ്പ മേളകള്‍ .
നാണം മറക്കാന്‍ കോണകത്തിന്
നാടുമുഴുവന്‍ ഓടുമ്പോള്‍
നാട്ടരചന്‍ മാര്‍ക്ക് കമ്പം
കോടികളുടെ കുംഭ കോണത്തില്‍ .
കോടികളുടെ പൂജ്യ ത്തില്‍ കുരുങ്ങി
അവസാന കോടിക്ക് വകയില്ലാതെ
കോടാനുകോടികള്‍ മരവിച്ചിരിക്കെ
ഇനിയേത് പാര്‍ഷതി -
ധര്‍മ്മയുദ്ധത്തിന്
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ