ഇത്രമേല്‍ അവളെന്നെ പ്രണയിച്ചിരുന്നെന്ന്
ഇപ്പോഴാണറിഞ്ഞത്
കടിച്ചുതിന്ന മാമ്പഴക്കൊരട്ട
ഈമ്പാന്‍ കൊടുക്കാതെ
മണ്ണിലേക്കെറിഞ്ഞിട്ടും
പുഴുപ്പല്ലുകാട്ടി പുഞ്ചിരിച്ചു നീ നിന്നില്ലെ
വള്ളി റ്റ്രൗസറിന്‍ പൊട്ടിയനാട
തുന്നി തന്നില്ലെ
ആമ്പല്‍ പറിക്കുമ്പോള്‍ വയല്‍
ചെളിയിലേക്ക് തള്ളിയിട്ടിട്ടും
ഇളകി ചിരിചില്ലെ
മഷിതണ്ട് മുഴുവനും തട്ടിപറിച്ചിട്ടും
പൊട്ടിചിരിച്ചില്ലെ
കണ്‍മുന്നില്‍ കണ്ടുപോകരുതെന്നു
കണ്ണുരുട്ടി കയര്‍ത്തിട്ടും
പൊട്ടിവീണ കണ്ണീരിനുള്ളിലും
മന്ദഹാസംപൊഴിച്ചില്ലെ
ഇന്നീപാതിതളര്‍ന്ന മെയിതാങ്ങി
നടക്കുമ്പോഴും
മന്ദം,മന്ദമെന്നു കാതില്‍ പറകയല്ലേ
ഇത്രമേല്‍ അവളെഞാന്‍
പ്രണയിച്ചിരുന്നെന്നു
ഇപ്പോഴാണറിഞ്ഞത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ