ഇത്രമേലവളെന്നെ
പ്രണയിച്ചിരുന്നെന്നു
ഇപ്പോഴാണറിഞ്ഞത്
കടിച്ചുതിന്ന മാമ്പഴക്കൊരട്ട
ഈമ്പാന് കൊടുക്കാതെ
മണ്ണിലേക്കെറിഞ്ഞിട്ടും
പുഴുപ്പല്ലുകാട്ടി പുഞ്ചിരിച്ചു -
നിന്നില്ലെ
വള്ളിറ്റ്രൗസറിന് പൊട്ടിയ
നാട,തുന്നിതന്നില്ലെ
ആമ്പല്പറിക്കുമ്പോള്
പായല് ചെളിയിലേക്ക്
തള്ളിയിട്ടിട്ടും
ഇളകിചിരിച്ചില്ലെ
മഷിതണ്ട് മുഴുവനും
തട്ടിപറിച്ചിട്ടും
പൊട്ടിചിരിച്ചില്ലെ
കണ്മുന്നില് കണ്ടുപോകരുതെന്ന്
കണ്ണുരുട്ടികയര്ത്തിട്ടും
പൊട്ടിവീണ കണ്ണീരിനുള്ളിലും
മന്ദഹാസം പൊഴിച്ചില്ലെ
ഇന്നീപാതിതളര്ന്ന മെയ്താങ്ങി
നടക്കുമ്പോഴും
മന്ദം,മന്ദമെന്നു കാതില് പറകയല്ലെ
ഇത്രമേലവളെഞാന്
പ്രണയിച്ചിരുന്നെന്നു
ഇപ്പോഴാണറിഞ്ഞത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ