malayalam blogwriters

http//www.facebook.com/groups/malayalam blog.writers

2013, മാർച്ച് 15, വെള്ളിയാഴ്‌ച

ഭൂപടം





നമ്മളെല്ലാം ഒരോ ഭൂപടം-
വാങ്ങിച്ചു വെയ്ക്കുക
നികത്ത പ്പെട്ട പാടങ്ങളെ
നമുക്കതിൽ കാണാം
ഗോതമ്പു വിളയുന്ന മണ്ണുകൾ
മറ്റൊരു രാജ്യ മാകുന്നത് വരെ
നദീ ജലങ്ങളെല്ലാംമറ്റൊരു രാജ്യമായി-
രൂപാന്തര പ്പെടുന്നതുവരെ
പാലായനത്തിന്റെ പാതകൾ
നോക്കി പഠിക്കാം .
ചിത്രശലഭപുഴുവിനെ
ചവുട്ടിയരച്ചതു ഞാനല്ലെന്നു
പറയുമ്പോഴേക്കും
ആയിരം കള്ളങ്ങൾ തുന്നി-
യെടുക്കുന്നവരെ,
 വെടിയുണ്ടകളുടെ  വഴികളെ ,
വേട്ട നായ്ക്കളുടെ കുരകളെ ,
തൊണ്ട മുഴകളിൽ ശവകുടീ -
രങ്ങളും പേറി
നമുക്ക് അടയാള പ്പെടുത്താം.
അങ്ങനെ മാതൃ രാജ്യത്തിന്റെ
ഓർമ്മകളെ
ചുമരിൽ ആണിയടിച്ചു
ഭൂപടമായ്തൂക്കിയിടാം

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ