ചിതറിത്തെറിച്ച ചോരയുടെ
ഒരു കൊളാഷ് ചിത്രം
ചുവന്ന വാകപ്പൂക്കൾ പോലെ
മാംസ തുണ്ടുകൾ
തകർന്ന് തരിപ്പണമായ ബൈക്ക് -
ഒരു ബിനാലെ ചിത്രം പോലെ
എന്തെല്ലാം കാര്യങ്ങൾക്കായിരിക്കും
ബൈക്കിലെറിയത്
എന്തെല്ലാം മോഹങ്ങളുമായാണ്
ചിറകു വിരിച്ചത്
സ്വപ്നങ്ങളുടെ ഒഴുകി നീങ്ങലിൽ
ആ ഒരു നിമിഷം
ഒന്നും മനസ്സിലാവാതെയുള്ള
അവസാനത്തെ ആ നിമിഷം
തിരിച്ചറിവിന്റെ ഉണർച്ചയിലേക്ക്
വന്നിരുന്നെങ്കിൽ
എന്തൊക്കെ ഓർത്തിരിക്കും
ആദ്യമായി അമ്മേയെന്നുവിളിചുള്ള-
ആ കരച്ചിൽ തന്നെ യായിരിക്കില്ലേ
അവസാനമായി
അമ്മേ....യെന്നു വിളിച്ചുള്ള
ആ വിളിയും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ