ജില്ലാ ആശുപത്രിയിൽ
ഒപ്താൽ മോളജി ഡിപ്പാർട്ടുമെന്റിൽ
രോഗങ്ങളുടെ രാഗ വിസ്താരം
കാഴ്ച്ചയുടെ കതിരവൻ ആറിതണ്-
ക്കരുതേയെന്നു
ആയിരം പ്രാർത്ഥനയുമായി
ഉഴറി നടക്കുന്നവർ
വികലമായ കാഴ്ച്ചയാൽ
നേർവഴികളെല്ല്ലാം
ഓരച്ചാരയെന്നു ബഹളം വെയ്ക്കുന്നവർ
ഏകാന്ത വേളകളിൽ ഭാവനയുടെ ഭവനത്തിലേക്ക്‌
തുറന്നിട്ട വാതിലിലൂടെ
ഞാനുമെന്റെ കുഞ്ഞു വീടും കയറിപ്പോയതിനെ-
ക്കുറിച്ച്
ഉലച്ചാലുമുലയാമരത്തെ അദൃശ്യനായ കാറ്റ്
നിഷ് പ്രയാസമുലയ്ക്കുന്നത്കണ്ട്
ആത്മാവിലേക്ക് ആഴത്തിലിറങ്ങിയ വേരും
ഉയരത്തിലേക്ക് പ്രകാശത്തിലേക്ക്
വളരുന്ന വൃക്ഷവും
മനുഷ്യനെപ്പോലെയെന്നോർക്കുന്നവർ .
തെളിയണം ഒരിക്കൽക്കൂടി-
കാഴ്ച്ചയുടെ കതിരവൻ
കാണാ കാഴ്ച്ചകൾ കാണുവാനല്ല
കണ്ട കാഴ്ച്ചയുടെ തലനാരിഴ
കീറുവാനുമല്ല
കാലത്തിന്റെ മിടിപ്പിനൊപ്പം
കരുണയുടെ കരം ചേർക്കുവാൻ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ