ചുംബനത്തിനു
വിടർന്ന ചുണ്ടിനോടു
ചാപല്യ മരുതെന്നു
പറഞ്ഞതിന്
പ്രണയത്തെ പാതിവഴിയിൽ
ഉപേക്ഷിച്ചവളോടു:
വിശ്രമ വേളകളിലെ ഏകാന്ത
മുഹൂർത്തത്തിൽ
ഞാൻ ചെയ്തതാണ് ശരിയെന്നു
നീ പറയും
കുറ്റ ബോധത്തിന്റെ കൂടപ്പിറപ്പാ-
കേണ്ടി വന്നതില്ലെന്നു
സമാധാനിക്കും
വികാരത്തിന്റെ പാരമ്യത വിവേകത്തെ
ഇരയാക്കുംപോൾ
പ്രായോഗിക ബുദ്ധിയെ പടിയട -
ച്ചകറ്റി യവളെ
പങ്കിലമായ പ്രണയത്തെ പകരം
തരാൻ ഞാനില്ല
ജീവിതത്തിന്റെ നൂൽ പാലത്തെ
പാതിയിൽ തകര്ക്കാൻ ഞാനില്ല
ഇടപ്പള്ളി,രാജലക്ഷ്മി,മയക്കൊവ്സ്ക്കി
നീറുന്ന നൊമ്പരത്തിന്റെ
അനലുന്ന തീയ്യിലേക്ക്
എണ്ണയൊഴിച് എരിതീയുയര്ത്തുവാൻ
ഞാനില്ല
പ്രണയത്തിന്റെ രക്ത സാക്ഷിത്വം നല്കുന്ന
ചുവന്ന മുഖം എനിക്കുവേണ്ട
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ