പ്രീയേ, ഏതു രാവിലാണ്
നമ്മിലെ പ്രണയത്തെ കടലെടുത്തത്
ഉടൽ പൂത്ത രാവുകളിൽ
ഉരുകിയുടഞ്ഞ ഉന്മാദവേളകളിൽ
ശിലാ മൗനമായുറഞ്ഞു പോയ നേരങ്ങളിൽ
വേറിട്ട ശരീരങ്ങളിലെ വിയർപ്പാർന്ന മനസ്സുകൾ
എന്നാണു പരസ്പരം വെറുത്തു തുടങ്ങിയത്.
നഗ്നശരീരങ്ങളിൽ നാണം കുമിഞ്ഞത്
നേരുകളിൽ നുണമുളച്ചത്
തപിക്കുന്ന നഗ്നതകൾ ശാപമേറ്റു തണുത്തത്
കരളിൽ കള്ളിമുള്ള് പൂത്തത്
കണ്ണിൽ നിന്ന് ചിത്രശലഭങ്ങൾ ഒഴിഞ്ഞു പോയത്
ഓർമ്മയിലെവിടെയോ ഒരു ചെണ്ടുമല്ലിക പൂക്കുന്നു
പ്രീയേ, നീ, യോർക്കുന്നുവോ
ഏതു രാവിലാണ് പ്രണയത്തെ കടലെടുത്തത്
വാക്കുകളുടെ വാൾത്തലപ്പുകൾ മിന്നിയത്
ചുണ്ടുകളിൽ ചോര കിനിഞ്ഞത്
താലോലിച്ച കരങ്ങളെ തട്ടി മാറ്റിയത്
പ്രണയമൊഴികളെ, നനഞ്ഞ കണ്ണുകളെ
പച്ചയായി കുഴിച്ചിട്ടത്
ഉടലൂരിയെറിഞ്ഞ് തിരിഞ്ഞു നോക്കാതെ പോയത്
പ്രീയേ, എന്നാണു നാം ഇനി കണ്ടാലും മിണ്ടില്ലെന്ന്
നെഞ്ചോടു നെഞ്ചുചേർത്തുറപ്പിച്ചത്
അന്നായിരിക്കണം നമ്മിലെ പ്രണയത്തെ
കടലെടുത്തത്
നമ്മിലെ പ്രണയത്തെ കടലെടുത്തത്
ഉടൽ പൂത്ത രാവുകളിൽ
ഉരുകിയുടഞ്ഞ ഉന്മാദവേളകളിൽ
ശിലാ മൗനമായുറഞ്ഞു പോയ നേരങ്ങളിൽ
വേറിട്ട ശരീരങ്ങളിലെ വിയർപ്പാർന്ന മനസ്സുകൾ
എന്നാണു പരസ്പരം വെറുത്തു തുടങ്ങിയത്.
നഗ്നശരീരങ്ങളിൽ നാണം കുമിഞ്ഞത്
നേരുകളിൽ നുണമുളച്ചത്
തപിക്കുന്ന നഗ്നതകൾ ശാപമേറ്റു തണുത്തത്
കരളിൽ കള്ളിമുള്ള് പൂത്തത്
കണ്ണിൽ നിന്ന് ചിത്രശലഭങ്ങൾ ഒഴിഞ്ഞു പോയത്
ഓർമ്മയിലെവിടെയോ ഒരു ചെണ്ടുമല്ലിക പൂക്കുന്നു
പ്രീയേ, നീ, യോർക്കുന്നുവോ
ഏതു രാവിലാണ് പ്രണയത്തെ കടലെടുത്തത്
വാക്കുകളുടെ വാൾത്തലപ്പുകൾ മിന്നിയത്
ചുണ്ടുകളിൽ ചോര കിനിഞ്ഞത്
താലോലിച്ച കരങ്ങളെ തട്ടി മാറ്റിയത്
പ്രണയമൊഴികളെ, നനഞ്ഞ കണ്ണുകളെ
പച്ചയായി കുഴിച്ചിട്ടത്
ഉടലൂരിയെറിഞ്ഞ് തിരിഞ്ഞു നോക്കാതെ പോയത്
പ്രീയേ, എന്നാണു നാം ഇനി കണ്ടാലും മിണ്ടില്ലെന്ന്
നെഞ്ചോടു നെഞ്ചുചേർത്തുറപ്പിച്ചത്
അന്നായിരിക്കണം നമ്മിലെ പ്രണയത്തെ
കടലെടുത്തത്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ