കുങ്കുമ തുടുപ്പ്

പ്രണയികൾ പറവകളെപ്പോലെ
സ്വതന്ത്രരും തിരക്കില്ലാത്തവരുമാണ്
ചില്ലിൽ വീണ വെയിൽ പോലെ
തിളങ്ങി നിൽക്കുന്നവരാണ്
ഏതാൾക്കൂട്ടത്തിലും ചേർത്തു പിടിച്ചു
പോകുന്നവരാണ്
കണ്ണിൽ കാന്തവുമായി കാത്തു നിൽക്കുന്ന
വർ പ്രണയികൾ
ചീട്ടുകൊത്തിയ പക്ഷിയെപ്പോലെ
ഫലം കേട്ടിരിക്കുന്നവർ
കവിളുകളിൽ ചോപ്പും
കണ്ണിൽ കുങ്കുമത്തുടുപ്പുമായ് എപ്പോഴും
നിൽക്കുന്നവർ