ഓടകളിൽ ഒഴുക്കപ്പെട്ടത്

ഓടകളിൽ ഒഴുക്കപ്പെട്ടത

രണ്ട് നദിയായിരുന്നു നാം
തൊട്ടാൽ പൊള്ളുന്ന തീ
വായിക്കാത്ത പുസ്തകം
വക്കു കവിഞ്ഞ വാക്കുകൾ
മോഹന സ്വപ്നങ്ങളിൽ
മരുഭൂമിയിൽ അലഞ്ഞു തിരിയുന്ന
ഒട്ടകം
നിന്റെ കണ്ണുകൾ
മിന്നാമിനുങ്ങിൻ കൂട്
നിന്റെ മുടികൾ കാട്
നാം നമ്മളെ വായിച്ചു കൊണ്ടേ -
യിരിക്കുന്നു
ഏതോ പുരാതന ലിപികളാൽ
നമ്മേ നാം നെയ്തു കൊണ്ടേ -
യിരിക്കുന്നു .

പ്രണയം ചരിത്രമാണ്
ചോര ചീന്തിയ ചരിത്രം
വേഴ്ചകളിലൂടെ വാഴ്ചകൾ -
വീണ ചരിത്രം
എല്ലാ പ്രണയങ്ങളും
ചരിത്രത്തിലുണ്ടാവണമെന്നില്ല
ചതികൾ ചിതമാക്കിയ കുറേ പ്രണയ -
ങ്ങളുണ്ട്
ചരിത്രത്തിലിടം നേടിയാൽ
ചിതലരിക്കുമെന്ന് ഭയന്ന്
ഉടവാളിനാൽ തടഞ്ഞു നിർത്തിയ
വാക്കുകളെ ഗളഛേദം ചെയ്ത്
ആരുമറിയാതെ ഒടുങ്ങിപ്പോയത്
ഓടകളിൽ ഒഴുക്കപ്പെട്ട ഏടുകളാണവ.
പ്രണയം ലോകത്തെ മാറ്റിമറിക്കുന്നു