പുലരി

വിശ്രാന്തി വിട്ടുണർന്നുള്ള നിശീഥിനി
മന്ദമന്ദംപടിഞ്ഞാട്ടുഗമിക്കവേ
ചെല്ലക്കിടാങ്ങളുണർന്നു പതുക്കനെ
ചൊല്ലിക്കൂട്ടുന്നിതാ അന്നത്തെ പാഠങ്ങൾ

വടക്കേ പുളിമരക്കൊമ്പിലായ് കാക്കകൾ
കരഞ്ഞുണർത്തുന്നിതാ പുലരിയേ സത്വരം
പ്രാത: പ്രഫുല്ലമാം പൂക്കളുണർന്നതാ
മഞ്ഞിൻമിഴി തിരുമ്മി ,യെഴുന്നേൽക്കുന്നു

കളിചിരിക്കൂട്ടരാം കുഞ്ഞിക്കിളികളോ
കാവ്യങ്ങൾ ചൊല്ലി സമാസക്തിയാലേ
മധുമണമേറ്റുള്ളൊരാ ചെറുവണ്ടുകൾ
മാധുരി തേടിപ്പറന്നണഞ്ഞിടുന്നു

സ്വച്ഛന്ദകേളിയാടീടും പവനനോ
പിച്ചവെയ്പ്പിക്കുന്നു പവൻനിറപകലോനെ
മഹാമൗനം വെടിഞ്ഞുണർന്നുള്ള പുലരി
എങ്ങും മഹോത്സവ തിടമ്പുനൃത്തത്തിലായ്