കടലിനോട്

കടൽത്തിരവന്നു കരയിലെന്തോ,-
യെഴുതുന്നു നിഗൂഢ ലിപികളാൽ.
വ്യഥിത വെയിൽച്ചില്ലതൻവിയർ
പ്പൊപ്പിയെടുക്കുന്നു
തിളച്ചുപൊങ്ങുന്നുഅടങ്ങാവേദന
അഗ്നി ശൈലങ്ങൾ വാനോളമു-
യരുന്നു

മരിച്ച വീടുപോലെന്നും കരഞ്ഞി-
രിക്കുന്നകടലേ
ഉപ്പുചാലിച്ചുചാലിച്ച് കയപ്പു പുരട്ടു
ന്നതെന്തേ
സൂര്യൻ്റെസരയുവേ കാമവൈവ -
ശ്യങ്ങളെ
കടലോളം കോരിക്കുടിക്കുവോള-
ല്ലോനീ

ഞാനറിഞ്ഞുള്ളനീ കനിവിൻകയം,
നുരയും പ്രണയം
തീരാക്കിനാക്കൾക്ക് അർത്ഥങ്ങൾ -
നൽകുന്ന യൗവനം
ഉപ്പുചേർത്തുൺമയിലേക്കുയർ-
ത്തുന്നൊരമ്മിഞ്ഞ

അടങ്ങാ വ്യഥ,യിതെന്തിത്ര കടലേ
അറിയില്ലറിയില്ലെനിക്കൊന്നുമേ
നിൻ ജലവാതിൽതുറന്നുഞാൻ -
വരട്ടെയോ
തിളച്ചുപൊങ്ങുമാദുഃഖം പകുക്കാം
നമുക്കിനി.