അപരിചിതരാണു നാമേവരും
നമുക്കു ചുറ്റുമുള്ളവർ
ബന്ധുവെന്നോർക്കുവോർ
സന്ധി ചെയ്തീടുവോർ
അച്ഛൻ
അമ്മ
മക്കൾ
പാതവക്കത്തെ പരിചിതർമാത്രം
ചുമക്കുന്നവരിൽ ചുരുങ്ങാതൊതുങ്ങീടുന്ന
പ്രശ്നങ്ങളെത്രയുണ്ടോരോ മനസ്സിലും
നമ്മളോരോരുത്തരും ഓരോ സമസ്യകൾ
കാറ്റുഴുതുമറിച്ചിട്ട കാണാക്കാടുകൾ
നടന്നു നോക്കുന്നു ഓരോ വഴിയും
മുടന്തി ഉഴലുന്നു ഓരോ മിഴിയും
വഴിമുട്ടിയവഴിയിലീ യാത്രയെന്നറിയുമ്പോൾ
ജഡത പേറി നടക്കുന്നു മാനസം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ