കുട്ടിക്കവിത
ഉമ്മറത്തമ്മതൻ ചാരേ ചാരി
ആകാശത്തേക്കു ഞാൻ നോക്കേ
പച്ചിലക്കാടിനു മീതെ വിണ്ണിൽ
പിച്ചകപൂക്കൾ നിറയേ
അച്ഛൻ്റെ തോളത്തിലേറി പൊങ്ങി
നീലാംബരപൂ പറിക്കാൻ
കൊതിയേറെയുണ്ടെൻ്റെ ഉള്ളിൽ
സ്വച്ഛന്ദമെങ്ങും ചരിക്കാൻ
പട്ടുതൂവാല പോലുള്ള ചെറു വെൺ
മേഘങ്ങൾ വാരി ചിരിക്കാൻ
പൈങ്കിളി കൊഞ്ചലായെങ്ങും ചെറു
പച്ചിലക്കാട്ടിൽ പറക്കാൻ
മഞ്ഞിൻ്റെ മഞ്ജു വെൺപട്ടിൻ ഉള്ളിൽ
മഞ്ഞക്കിളിയായി മാറാൻ
മുത്തശ്ശി പാട്ടിലെ മുത്ത് കോർക്കും
പുത്തൻ ചരടായി തീരാൻ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ