പ്രവർത്തിച്ചതൊന്ന്
ഫലിച്ചത് മറ്റൊന്ന്
സ്വപ്നത്തിൽ അരചൻ
ജീവിതത്തിൽ രജകൻ
ആശ്രയം നൽകേണ്ടവൻ
ആശ്രിതനായി
കുടിലിനുള്ളിൽ
കെട്ടിപ്പൊക്കുന്നു കൊട്ടാരം
ദു:ഖത്തിൻ്റെ മുറിവുകൾക്ക്
ലഭിച്ചില്ല സ്നേഹത്തിൻ്റെ ലേപനം
ആർക്കാണ് എൻ്റെ സ്വപ്നത്തിൽ -
താത്പര്യം
ഏതു പുഞ്ചിരിയുടെ കരസ്പർശമാണ്
എൻ്റെ ചിറകുകൾ മുളപ്പിക്കുന്നത്
ഞാൻ
ജനസമുദ്രത്തിലെ വെറുമൊരു -
തുള്ളി മാത്രം
ഓർക്കുന്നില്ല ആരും
പ്രാണൻ വഹിച്ചുകൊണ്ടു നടക്കുന്ന
മരണമാണ് മനുഷ്യനെന്ന്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ