പത്തനമെനിക്കിന്നു
പട്ടടപോൽ പൊള്ളുന്നു
ചീവീടിൻ സംഗീതമെൻ
ചിരിച്ചില്ലയിൽ പൂക്കുന്നു
വേലിയിൽ നിരന്നിരിക്കുന്നു -
കാക്കകൾ
ഓരോ കൊക്കിൽ നിന്നും
വിരുന്നുകാരിറങ്ങി വരുന്നു
കിളികൂജനങ്ങളൊരു
പൂക്കാലം തീർക്കുന്നു
കുയിലിൻ കവിത പുഴയാ -
യൊഴുകുന്നു
കണ്ണാം ചിരട്ടയിൽ
മണ്ണപ്പം ചുട്ടീടുന്നു
കന്നുകുട്ടികൾ ചുറ്റും
തട്ട മുട്ടിപ്പായുന്നു
ഇപ്പാതിരാത്രിയിൽ
എങ്ങുന്നു വന്നുയെൻ്റെ
ആ കൊച്ചുഗ്രാമവും
ഓർമ്മതൻ കുളിർ തെന്നലും
പട്ടണമെനിക്കിന്നു
പട്ടടപോൽ പൊള്ളുന്നു
പ്രളയത്തിൽ പെട്ടൊരു
പെട്ടകം പോൽ തോന്നുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ