കതിരെല്ലാം മൂത്തുവിളഞ്ഞേ
കതിരോനും കണ്ണുതുറന്നേ
വേഗത്തിൽ താളത്തിൽ കൊയ്യെടി
പെണ്ണാളേ ... പെണ്ണാളേ ... പെണ്ണാളേ
പായ്യാരം നിർത്തെടി പെണ്ണേ
പാട്ടൊന്നു പാടെടി കണ്ണേ
പെരകെട്ടിമേഞ്ഞീടാമെടി
പുത്തരിച്ചോറുണ്ണാമെടി
താളത്തിൽ താഴ്ത്തിക്കൊയ്യെടി
പെണ്ണാളേ ... പെണ്ണാളേ ....പെണ്ണാളേ
ചേറിൽ വിളഞ്ഞൊരു പൊന്ന്
സ്വപ്നംപോൽ പൂങ്കുലക്കതിര്
പാട്ടം കൊടുത്താലുമുണ്ടെടി
പള്ള നിറക്കാനുമിക്കൊല്ലം
വേഗം നീ കൊയ്യെടി പെണ്ണേ
താളത്തിൽ കൊയ്യെടി പെണ്ണേ
പെണ്ണാളേ ... പെണ്ണാളേ ....പെണ്ണാളേ
കാറ്തെളിഞ്ഞതുപോലെ
നിൻ്റെ മോറ് തെളിഞ്ഞല്ലോ പെണ്ണേ
മൂവന്തിയായെടി കണ്ണേ
മുണ്ടകൻ പാടം നിറയേ
കറ്റ നിറഞ്ഞല്ലോ പെണ്ണേ
കയറുവിരിക്കെടി പെണ്ണേ
കറ്റപെറുക്കെടി പെണ്ണേ
വേഗം വാ ....വേഗം വാ....
വേഗം വായോ
പെണ്ണാളേ.... പെണ്ണാളേ......
വേഗം വായോ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ