പഥികൻ്റെ സ്വപ്നവും പേറി
പാതകൾ നീണ്ടുപോകുന്നു
മൃതിവന്നു വിളിച്ചു വെന്നാകിലും
സ്മൃതി മായുകില്ലെന്നറിക
യാത്ര.... അനന്തമാം യാത്ര
മണ്ണറിഞ്ഞുള്ളതാം യാത്ര
മഴമണി ചിതറി വീഴുമ്പോൾ
മണി കിലുങ്ങുന്നിടനെഞ്ചിൽ
കാറ്റിന്നു കരിയിലത്താളം
കാൽത്തള പോലുള്ള മേളം
കവിതകൾ പൂക്കുന്നുയെങ്ങും
കാഴ്ചതൻ നവ്യാനുഭൂതി
പാതകൾ തീരുന്നേ,യില്ല
യാത്രകൾ തുടരുന്നുയിന്നും
കാത്തിരിക്കില്ല,യീക്കാലം
തുടർന്നിടാം യാത്ര നമുക്ക്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ