ആദ്യമായി
ആയിരം നക്ഷത്രങ്ങളായ്
മിന്നി നിന്നു നീയെന്നിൽ
ഒരു മേശയ്ക്കപ്പുറം കേൾ-
ക്കാത്ത
പതിഞ്ഞ സ്വരം
കവിത കവിയുന്ന മിഴികൾ
പാദസര കിലുക്കം
പാദങ്ങളിൽ തൊട്ടു പിൻ -
മാറുന്ന തിരപോലെ
സുഖദ ദലമർമ്മരം പോലെ
ചിന്നി നിൽക്കും ചാറ്റൽ മഴ -
പോലെ
ഇക്കിളിയാക്കുന്നിടയ്ക്കിടെ
ഇന്നുവരെ പറഞ്ഞിട്ടില്ല ഞാൻ
ആരോടും
അങ്ങനെയൊരു ഭാവം നടിച്ചി-
ട്ടേയില്ല
മറ്റെല്ലാം മറന്നിട്ടും
മറക്കാത്ത ആ ഒന്നു മാത്രം
ഇടയ്ക്കിടേ എത്തി നോക്കാ-
റുണ്ട്
പിന്നെയിന്നോളം കണ്ടിട്ടില്ല
എന്നെക്കുറിച്ചുഞാൻ
ഇങ്ങനെ ഒരു സ്വപ്നം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ