കോരന്റെ കുമ്പിളില്‍
കയ്യിട്ടു വാരിയില്ല
കട്ടെടുത്തില്ല
തട്ടിപ്പറിച്ചില്ല
കോടികള്‍കൊയ്ത്തുകൂട്ടിയത്
കുഴല്‍പ്പണമായല്ല
കോരന്‍ കൊണ്ട് ക്കൊടുത്തു :
ചാനലിലെചാരിത്ര്യപ്രസംഗംകേട്ട്
ചന്തമുള്ളചാരക്കണ്ണിലെ
നക്ഷത്രപുളപ്പുകണ്ട്
മേനിക്കൊഴുപ്പു കാട്ടി
ചിന്തയുടെ ചിറകരിഞ്ഞത് അറിയാതെ .
സംസ്ക്കാരത്തിന്റെ
ശവ സംസ്ക്കാരവും നടത്തി
ബന്ധങ്ങളും ,വിശ്വാസങ്ങളും -
അതല്ലെ എല്ലാം ...!
കോരനിപ്പോള്‍ കേഴുകയാണ്
കാണാതെ പോയ
കുമ്പിളിനെക്കുറിച്ചു.
ഇനിയുംവരുംചാരക്കണ്ണൂം നീട്ടി
പുളകത്തിന്റെപുതുമണംവീശി
കുമ്പിളും, കഞ്ഞിയും നല്‍കാന്‍
മണി മാളികയും, ക്ഷേമ രാഷ്ട്രവും പണിയാന്‍
പക്ഷെ.,
അപ്പോഴും കൊണ്ട് കൊടുക്കണം
കോരന്‍ ........
ഇതിനായി സബ്‌സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള്‍ (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ