മീന മാസ മൂവന്തി
മാങ്കനിമണം പേറി
സിന്തൂര മാലകോര്ത്ത്
പശ്ചിമ വാനില് ചാര്ത്തി
ഓര്ക്കുകയാണിന്നു ഞാന്
കവിത വിരിഞ്ഞൊരു
കഴിഞ്ഞ കാലത്തിന്റെ കല്ലോല -
ചലനങ്ങള്,പച്ചില കൂട്ടങ്ങളും
മെച്ചമാം തോട്ടങ്ങളും
മൊച്ചകള് തിമര്ത്താടും
മാമര കൂട്ടങ്ങളും
വല്ലികള് ഊയലാടും
നെല്ലിതന് മരങ്ങളും
കാട്ടു തേന് മണക്കുന്ന
കാട്ടരുവിത്തീരവും
കുളിച്ചു കുറിതൊട്ട കുളിരിന് -
പ്രഭാതവും
നാരായണ ജപത്തിന് അലതന് -
പ്രദോഷവും
പല്ലവാധരത്താലെ ചിരിക്കയായ് -
പൌര്ണമി
ഒരു നെടു വീര്പ്പെന്നുള്ളില്
പിടഞ്ഞുണര്ന്നീടുന്നു
2011, ഏപ്രിൽ 9, ശനിയാഴ്ച
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ