malayalam blogwriters

http//www.facebook.com/groups/malayalam blog.writers

2014, ജൂൺ 2, തിങ്കളാഴ്‌ച

അയവിറക്കാൻ ഇനി ആകാശ വയലുകൾ



ഇറങ്ങി പോകുമ്പോഴുള്ള വയലുകൾ
തിരിച്ചു വരുമ്പോൾ കാണാനില്ല
കറുത്ത കച്ച പോലുള്ള നീണ്ട റോഡ്‌
കതിര് വിളഞ്ഞ കണ്ടത്തിൽ കെട്ടിടങ്ങൾ
ചളിയിട്ട് തേച്ചു മിനുക്കിയ നട വരമ്പ് -
സീബ്രാ വരകൾ
കൂവല് കുത്തിയ ഭാഗത്ത് ക്രിക്കറ്റ് കോർട്ട്
ഏളകളെ ആട്ടാൻ കെട്ടിയ മാടം
പോലീസ് എയിഡു പോസ്റ്റ്
അങ്കലാപ്പിന്റെ ടാറു രുക്കത്തിൽ
കാലുകൾ പുതയുമ്പോൾ
അറിയാതെ മുകളിലേക്കൊന്നു നോക്കി  
ഹാവൂ സമാധാനമായി
മേഘവയൽ ഇപ്പോഴും അവിടെതന്നെയുണ്ട്
മഴവിൽ വരമ്പ് മുറിയാതെ കിടപ്പുണ്ട്
ഏളകൾ ആളനക്കമില്ലാത്തതിനാൽ
കൂട്ടത്തോടെ വരുന്നുണ്ട്
വിളഞ്ഞു കിടപ്പുണ്ട് സൂര്യന്റെ കതിരുകൾ  

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ