ചിറകറ്റു വീണയെന്നരികത്തുനീയിനി
ചിറകില്ലാ ചിറകായി ചേർന്നു നിന്നീടുക
ഇരുൾ വീണ കരളിന്റെ ഇതളിൽ മൃദുസ്മിത
പ്രണയ പ്രകാശമായ് പാടേ നിറയുക
പഥികനാം ഞാനിനി പാരിതിലലയുംപോൾ
സത്യ പ്രതീക്ഷതൻ പാഥേയ മാവുക
കണ്ണിൽ കരുണതൻ ദീപം തെളിച്ചു നീ
സായന്തന പൂവായ് കാത്തു നിന്നീടുക
ഹൃദയത്തിലൊരു കൃഷ്ണ മുരളിയുമായിനീ
കായാമ്പു തൻ കൊമ്പിലേറിനിന്നീടുക
കരളിലെ നീറുന്ന മുറിവിന്റെ മുനകളെ
ഹൃദയ രാഗത്താൽ പറിച്ചെടുത്തീടുക
കണ്ണുനീരൊക്കെ കവർന്നെടുത്തിന്നു നീ
കദന കടലിലൊഴുക്കി കളയുക
കാലമേ ഇനിയെന്റെ പ്രണയ പരാഗമാം
വെള്ളരി പ്രാവിനെ പാരിൽ പറത്തുക
എങ്ങും തളിർക്കട്ടെ മാനവ സ്നേഹം
എങ്ങും നിറയട്ടെ സ്നേഹ സല്ലാപം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ