കവിത എഴുതിയിട്ട്
കാല മെത്രയായി
ഞാനൊരു കവിത എഴുതി
എഴുതി കഴിഞ്ഞപ്പോൾ
ഒരു കല്ല്‌ കടി
കഷായം കുടിച്ച പ്രതീതി
കരളിൽ കര കാണാതെ
കടലിലലയുന്ന ഒരു കപ്പൽ.
കുറിച്ചിട്ടവ
കീറിക്കളഞ്ഞു
വീണ്ടു മെഴുതി
വെട്ടിയും,തിരുത്തിയും
തിരുത്തിയും,വെട്ടിയും
എന്നിട്ടും ഒരു വെട്ടവും,-
വെളിവുമില്ലായ്മ.
ഒരിക്കലും ആവിഷ്ക്കരിക്കാൻ
കഴിയില്ല
കവിത്വ മില്ലാതവന്
കവിതയെന്നു
കരളിടുക്കിൽ
ഒരു കപ്പൽ പൊട്ടിച്ചിതറി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ