നീ അരികിലെത്തുമ്പോൾ
കടലെത്തിയ പുഴ പോലെ
മനസ്സ് ശാന്തമാകുന്നു
(2)
നിന്റെ നിഴലൊന്ന്
കണ്ടാൽ മതി
മനസ്സിന്റെ പിടയുന്ന
ചിറകുകളൊതുങ്ങുന്നു
സ്വന്തം കൂട്ടിൽ
ചേക്കേറിയത് പോലെ
(3)
നിന്റെ കൂടെ യിരിക്കുംപോൾ
നീ നിറയെ പൂത്ത കൊന്നയും
തഴച്ചു തളിർത്ത
തണൽ മരവു മാകുന്നു
(4)
നാമിരുവരും
ഇരു കരയിലിരുന്ന്
കുളത്തിൽ വല
വിരിച്ചിരിക്കുന്നു
കുളത്തിലും വലയിലു-
മില്ലാത്ത
മത്സ്യ മെവിടെ?!
(5)
മുൾ വേലി യെത്രയടച്ച്ചു-
കെട്ടിയാലും
പഴുതുകളിലൂടെ
തല നീട്ടുന്ന തളിർ
നാമ്പുകളാണ് പ്രണയം
(6)
പ്രണയം
തീജ്വാല
പോലെയാണ്
അത്
ഉത്ഭവിക്കുമ്പോഴേ
കാണാൻ കഴിയു
(7)
നീയുമായി
ഞാൻ പ്രണയത്തി-
ലെന്നറിഞ്ഞത്
നിന്റെ രൂപം
കണ്ണിൽ നിന്ന്
മായാതെയായ-
പ്പോഴാണ്
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ