ജീവിത വണ്ടി

ഓടിക്കൊണ്ടിരിക്കയാണ്
ജീവിത വണ്ടി
വളവും, തിരിവും,
കയറ്റവും, ഇറക്കവും താണ്ടി
അള്ളും, ഭള്ളും,
ചതിയും, ചകിത യൗവനവും
കടന്ന്
എവിടെ നിർത്തുമെന്നറിയാതെ.
വാളാതെ, വിതയ്ക്കാതെ
കൂർത്തും, മൂർത്തും തഴച്ചു -
വളരുന്നുണ്ട് നുണകൾ
കുഴികുത്തി നട്ടോളു സത്യത്തെ
കടുത്ത വേനലിലും
പെരുത്ത മഴയിലും
നനുത്ത മഞ്ഞിലും
ഒരിക്കലും മുളയ്ക്കില്ലെന്ന
ധൈര്യത്തോടെ
ചവക്കുമ്പോൾ ഇനപ്പും
ഇറക്കുമ്പോൾ കയപ്പും ജീവിതം.