അമ്മയെന്നുള്ളൊരു രണ്ടക്ഷരം
നന്മ നിറഞ്ഞുള്ള രണ്ടക്ഷരം
ഉണ്മയിലേക്കു നയിച്ചിടുവാൻ
ഇമ്മന്നിൽ മർത്ത്യൻ്റെ മന്ത്രാക്ഷരം
പാരിതിൽ സത്യമതമ്മമാത്രം
തോരാത്ത മാരിതൻ സ്നേഹാമൃതം
അമ്മിഞ്ഞപ്പാലമൃതൂട്ടിയമ്മ
ഇമ്മന്നിൽ സ്നേഹമതമ്മമാത്രം
വമ്പേകി നമ്മളിലിമ്പമേകി
ഉമ്മവെച്ചാത്മസംതൃപ്തിയേകി
അമ്മയെന്നാലതു ദൈവമല്ലേ
മന്നിലമ്മയല്ലാതൊരു ദൈവമുണ്ടോ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ