ഉന്മാദമുണർന്നപ്പോൾ
ഉടലിനെയോർത്തില്ല
ഉരിഞ്ഞു കൊണ്ടുപോയിരിക്കുന്നു
ഉടലിനെ
ഒരു കാട്ടാളൻ
ഉന്മാദമുറങ്ങിയപ്പോൾ
ഉടലിനെ തിരഞ്ഞിറങ്ങി
ഉയരങ്ങൾ താണ്ടി
ഉരിയാടി വിളിച്ചു
ഉള്ളറകളിൽ നിന്ന് കേൾക്കുന്നു
ഉന്മാദത്തിൻ്റെ ഉരിയാട്ടം
ഭാഗം വെച്ച് ഭോഗിക്കുന്നു
ഉടലിനെ കാട്ടാളർ
പിന്നെയൊട്ടും താമസിച്ചില്ല
പാടത്തെ പടർന്ന പുല്ലിൽ
നാവറുത്ത് മലർന്നു കിടന്നു
ഒരുതല
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ