ദോശയായ് കല്ലിൽ മൊരിഞ്ഞു -
കരിഞ്ഞു
സ്റ്റൗവിൽ വെള്ളമായ് തിളച്ചു വറ്റി
നനക്കല്ലിൽ അവളവളെ കുത്തി -
പ്പിഴിഞ്ഞു
വെയിലത്ത് മഴയായ് പെയ്തു
മഴയത്ത് വെയിലായ് തപിച്ചു
പാതിരാത്രി പകലാക്കി
അടുക്കളയെ മുതുകിലേറ്റി
പാചകം ചെയ്ത്, പകർന്നു വെച്ച്
വിശന്ന വയറിലേക്ക് മുന്താണി-
മുറുക്കിയുടുത്ത്
പകൽ ഓഫീസിലേക്കോടി
ഭർത്താവ്
മക്കൾ
കുടുംബം
ജീവിതം
അന്ന്;
മടുപ്പിൻ്റെ ഉടുപ്പുമിട്ട്
രാവിലെയുണർന്ന്
അവളവളെത്തനെ പാചകം ചെയ്ത്
പ്രഭാത ഭക്ഷണമായ്
മലർന്നു കിടന്നു തീൻമേശയിൽ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ