പ്രിയപ്പെട്ടവളേ,
വെയിൽ കുടിച്ച് ചുവന്നു പോയ
വാകപൂക്കളെ നോക്കൂ !
ചുവന്നു തുടുത്ത നമ്മിലെ
പ്രണയത്തെപ്പോലെ
പ്രണയം പ്രകൃതിയാണ്
അത് ജീവൻ്റെ പുഷ്പങ്ങൾ വിടർത്തും
പ്രകൃതിക്ക് ഞാനും നീയുമില്ല
ഒന്നായ നമ്മളേയുള്ളു
പ്രണയത്തിൻ്റെ ജ്വാലയ്ക്ക്
അഗ്നിയേക്കാൾ ചൂടുണ്ട്
കടലിനേക്കാൾ ആഴവും
ആകാശത്തേക്കാൾ പരപ്പും
പ്രിയപ്പെട്ടവളേ,
കുന്നിൻ പള്ളയിലെ
കുഞ്ഞിക്കുരുവികളെ നോക്കു
കുഞ്ഞുകൂട്ടിലവ തൊട്ടു തൊട്ടിരിക്കുന്നു
നാം മുട്ടിയുരുമിയിരിക്കുന്ന പോലെ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ