ഗ്രീഷ്മംകടുപ്പിച്ചു നോക്കുന്നു
വാനിടം കുമ്പിട്ടിരിക്കുന്നു
ദിക്കുകൾ മൂകമായ് കേഴവേ
ജീവിതം പൊള്ളിപ്പിടയുന്നു
കിണറിനെ കഴുകി കമിഴ്ത്തി
മീനസന്ധ്യകൾ കരിന്തിരി കത്തി
ആലയിൽ പൈക്കിടാങ്ങൾതൻ
അലമുറയെങ്ങുമുയർന്നു
പത്രം കൊഴിഞ്ഞ വൃക്ഷത്തിൽ
പക്ഷം കരിഞ്ഞ കിളികൾ
തേങ്ങിയുണരുന്ന ദുഃഖപ്പൊരുളിനെ
കൊക്കിനാൽ ഇറുക്കിയടച്ചു !
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ