കാത്തിരിപ്പ്

കണ്ണീരിൻ്റെ കടപ്പുറത്ത്

കുഞ്ഞു കക്കപോലെയവൾ .

മുനിഞ്ഞു കത്തുന്നു

സങ്കടത്തിൻ്റെ ചെരാത്

പകലിലെ 

പരന്ന ചിരിക്കാർ

ഇരുളിലെ ഇരപിടിക്കാർ

കാത്തു വെയ്ക്കണമെനി-

ക്കെന്നെ

കാകനും കുറുനരിക്കും കൊടു-

ക്കാതെ

ഒന്നാണ് നാമെന്ന തോന്നലിൽ

തെല്ലും തളരാതെ

വറ്റാത്ത നിൻ്റെ വാക്കിനായി

തെറ്റാതെ എൻ്റെ കാത്തിരിപ്പ്

ഏതു ജന്മത്തിൽ

ഏതു കടപ്പുറത്തു വച്ചായിരിക്കും

നാം കണ്ടുമുട്ടുക