മഴകൊണ്ട് പൊള്ളി
വിയർത്തതിനും
വെയിൽ നനഞ്ഞ്
പെയ്തൊഴിഞ്ഞതിനും
കണക്കില്ല
കൊടുങ്കാറ്റിൽ നിന്ന്
രക്ഷയും
ഋതുക്കളും കാട്ടിതന്നത്
കൊടുങ്കാട്
അഹിംസ പാടി നടക്കുന്നു
ഹിംസ്ര ജന്തുക്കൾ
നഷ്ടങ്ങളുടെ കണക്കുകളാണ്
ജീവിതം
കുത്തിക്കൊല്ലുന്ന കാലം
കഴിഞ്ഞു
നക്കിക്കൊല്ലുന്നു ലോകം
ആയുധമില്ലാത്ത വേടൻ
അനായാസം കീഴടക്കുന്നു
ആട്ടിൻകുട്ടിക്ക്
സിംഹക്കൂട്ടിൽ സുഖവാസം
ആഗ്രഹങ്ങൾ, നരച്ച തലനാ-
രിഴകളെ
കറുപ്പിച്ചു കൊണ്ടേയിരിക്കുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ