പറയാതെ പോവുന്ന വാക്കുകളുടെ
നോവുകളെക്കുറിച്ചോർത്തിട്ടുണ്ടോ
തലച്ചോറിലെ ശവകുടീരത്തിലെ
ഉപ്പു ജലത്തിൽ
അഴുകാതെ കിടക്കുന്ന ഓർമ്മകൾ
ഉണർന്നെഴുന്നേൽക്കാറുണ്ടോ
ശിശിരങ്ങൾക്കപ്പുറത്ത് ഒരു പൂക്കാല-
മുണ്ടെന്ന് ഓർക്കാറുണ്ടോ
കരിഞ്ഞു മണക്കുന്ന സ്വപ്നങ്ങൾക്കി -
ടയിലൂടെ
തൊടുത്തുവിട്ട അമ്പു പോലെ
വക്കുപൊട്ടിയ ജീവിതവും പേറിയുള്ള
ഓട്ടമല്ലെ
ജീവിതമെന്ന ഒറ്റവാക്ക്
അശാന്ത രാത്രിയുടെ ഇരുൾ ഗന്ധങ്ങൾ
കുത്തിയൊലിക്കുന്നകാലത്തിൻ്റെ
പെരുമഴയത്ത്
പറയാതെ പോവുന്ന വാക്കുകളുടെ
നിലവിളികൾ
നോക്കൂ ;
ചൂണ്ടലും വലിച്ചോടുന്ന
ഇര വിഴുങ്ങിയവരാൽ മീനാണ് ജീവിതം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ