മന്ദഹസിക്കുന്നു മഞ്ഞ്
ഉള്ളിൽ നിറഞ്ഞു നിൽക്കുന്നു -
അഗ്നി
കണ്ണിലൊളിപ്പിക്കുന്നു കലക്കം
കാണാമഴയിൽ കുളിച്ചു നിൽക്കുന്നു -
മനസ്സ്
ഉള്ളിനെ തൊട്ടുഴിയുന്നു
ഓർമ്മകളുടെ ശ്യാമമേഘം
പൊള്ളും വേരാഴ്ത്തി
പൊങ്ങി വരുന്നു സങ്കടത്തിര
കാലമേ,
കവിതയുടെ കടൽക്കരയിൽ
എന്നെ നിർത്തുക
കടലിൻ്റെ കാഹളമായി
കരച്ചിലായി
ശാന്തി മന്ത്രമായി
പ്രതികാരമായി
എന്നെ കവിതയുടെ കടലെടുക്കട്ടെ
വയ്യ
ഇനിയും
പൊള്ളും ജീവിതം
എഴുതാതിരിക്കാൻ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ