കവിയിൽ നിന്നും കവിതയുടെ പക്ഷികൾ
പലപാടും പറക്കുന്നു
പലദേശങ്ങളിൽ അതു പല ഭാഷകളിൽ
പറയുന്നു
സ്നേഹത്തിൻ്റെ ഭാഷ ഒന്നെന്നറിയുന്നു
കവിതകൾ സൈബീരിയൻ കൊക്കുകളെ -
പ്പോലെയാണ്
കാലം മാറിയതറിയാത്ത ചില കവിതകൾ
കാലം തെറ്റിയും മടങ്ങി വന്നില്ല!
മടങ്ങിവന്നവയിൽ ചിലതിന് മൂക്കില്ല
ചിലതിന് മുലയില്ല
കൈ അറ്റവ, കാലറ്റവ, ശരീരം ചിന്നഭിന്ന -
മായവ
വിദ്വേഷമില്ലാതെ അന്യോന്യം
ആശ്ലേഷിച്ചു നിന്നൊരു കാലം
ഏതോ അഗാധതയിലേക്കു ഉരുണ്ടു വീണു
സ്നേഹമറ്റ കവിതകളാൽ!
നാവറ്റ, വിരലറ്റ കവി
ചലനമറ്റിരിക്കുന്നു
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ