വരിക ഇനിയുമാ പഴയൊരാ വീട്ടിൽ
മുല്ല മണം പേറുമാമുമ്മറത്തിണ്ണയിൽ
ഒന്നിച്ചിരിക്കാമിരുന്നു സല്ലപിക്കാമിനി
ഇന്നലെത്തെപ്പോലെ തൂമഞ്ഞുരാവിൽ
സ്മൃതി വന്നുമെല്ലെ തലോടിവിളിക്കുന്നു
പ്രണയ മുല്ലകൾ മൊട്ടിട്ടു നിൽക്കുന്നു
ചിരിച്ചു മറിയുന്ന നീർച്ചാട്ടമായി
നമ്മളൊന്നിച്ചിരുന്നുള്ള രാവുകൾ
നിൻചിരിതൻ ചിരാതിൽ നിന്നന്നു ഞാൻ
പട്ടു പോൽ നേർത്ത കാവ്യം ചമച്ചതും
മോഹമാം വനച്ചാരുത കണ്ടു നാം
പുഴതൻപുളിനത്തിൽ നീർത്തുള്ളിയായതും
പുറത്തുതട്ടി വിളിക്കുന്നുയിന്നും
കഴിഞ്ഞൊരാക്കാലം കരങ്ങൾനീട്ടുന്നു
വരിക ഇനിയുമാ പഴയൊരാവീട്ടിൽ
പ്രണയ പൂച്ചെടി നമുക്കിന്നു നട്ടിടാം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ