കനിവിൻ്റെ കതിരുകൾ തേടികിനാത്തുമ്പി,യലയുന്നി
തെങ്ങുംകരൾ പറിയും കാഴ്ചയല്ലാതൊ-
ന്നുമേയില്ലിന്നു കാണ്മാൻഅന്നമില്ലാതെ കുഞ്ഞുങ്ങൾ
അന്ത്യയാത്രയായ് പാതവക്കിൽ
വീടുകളെല്ലാം തകർത്ത
വീറുറ്റ മുഷ്ടിതൻ ചിത്രം
വാനിടത്തിൽ പാറി നിൽപ്പൂ
പാരിതിലാരു കണ്ടീടാൻ?!
അലയുന്നൊരമ്മ തേങ്ങുന്നു
മക്കളെ, ചുട്ടുതിന്നു നാരാധമൻമാർ
ലഹരിയാൽ പത്തി വിരിച്ച്
കൊത്തുന്നു കത്തുന്ന യൗവ്വനം
കിനാത്തുമ്പി വന്നു ചൊല്ലുന്നു
ഉണരുക ഉണരുക വേഗം !
നിനവിലെ കാഴ്ച,യിതിനിയും
കാട്ടിത്തരല്ലേ കിനാവിൽ
കെൽപ്പില്ല കണ്ടു നിന്നീടാൻ
ഇനിയില്ല ഞാൻ നിൻ്റെകൂടെ.
