അധഃസ്ഥിത ആത്മ പ്രകാശനം
ലാസ്യതാണ്ഡവ,വീര്യം
അമ്മതൻ കാരുണ്യം
താരുണ്യം തളിരിട്ട പൂക്കളും,
കുരുത്തോലയും
രക്തവർണ്ണാങ്കിതം രൗദ്രം
ചെണ്ട, ചേങ്ങില, ഇലത്താളം
കുറുങ്കുഴൽ ,തകിൽ
കൊട്ടിക്കയറി ആർത്തട്ടഹസിച്ച്
പൊട്ടിച്ചിരിച്ച്, ഗുണം വരുത്തണേ -
യെന്ന് മാറോടു ചേർത്ത്
മൂർദ്ധാവിൽ മുടിയണിഞ്ഞ്
മഞ്ജുളമാം മുഖശ്രീയാൽ
കായം ചിതറും കാലൊച്ചയും
കനൽ കത്തും കണ്ണും
കൊട്ടിക്കയറുമാവേശത്തിര
യടിയിൽ
ഭൂമിയു,മാകാശവും നടുങ്ങുമ്പോൾ
വീരത്തിൻ വിളിപ്പാട്ടുണർത്തി
ഉറവയിടുമാത്മശുദ്ധിതൻ തീർത്ഥം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ