നീ കടന്നു വരുന്നു
പ്രിയനേ,
എൻ്റെ ജീവിതം ഇനിയും പൂവിടുന്ന
തിൻ്റെ സന്ദേശമാണോ നീ?!
ഇനി ഞാനെന്നെ നിനക്കായർപ്പി
ക്കുന്നു
ദഹിച്ചു കൊണ്ടിരിക്കുന്ന ജീവിതത്തെ
ദാനമായ് നൽകിയതിന്
എൻ്റെ ഇരുണ്ട രാത്രികളെ ദീപ്തമാക്കി -
യതിന്
വറ്റിപ്പോയ ഹൃദയത്തിനു വിശപ്പു തന്ന -
തിന്
മൂകതയെ ശബ്ദസാഗരമാക്കിയതിന്
തീയിലും, നിഴലിലും, പൊടിപടലത്തിലും
ക്ഷീണത്തിലും പെട്ടുഴലുന്നതിൽ നിന്നും
സ്നേഹത്തിൻ്റെ ചിറകിൻ തണലുവിരി-
ച്ചതിന്
പ്രിയനേ,
ഇനി നമ്മുടെ മാനസ ക്ഷേത്രാങ്കണ -
ത്തിൽ
ഉത്സവങ്ങളുടെ മേളങ്ങളുയരട്ടെ
പുതിയ പുതിയ ബിംബങ്ങളിൽ, ഭാവ -
ത്തിൽ നമുക്കഭിരമിക്കാം
അവഗണനയെ വിസ്മൃതിയുടെ നദിയി-
ലൊഴുക്കി
ആഴമുള്ള പൂർണ്ണിമയിൽ അനുരാഗ -
ത്തിലലിയാം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ