ആരവത്തിനവധി നല്കി
നിലാവുലാത്തും രാത്രിയിൽ
പട്ടണത്തിലെ ഫ്ലാറ്റ് പെട്ടകം
അടച്ചു പൂട്ടി ശകട മേറി
തൂമയേറും തുഹിനമുതിരും
താരകൾ പിന്നീടവേ
നഗരവാരിധിതാണ്ടി ഞാനാ
ഗ്രാമ തീര മണയവേ
വഴുതി മാറും ആറ്റുമീൻ പോൽ
ഓർമ്മയിലെ സ്വപ്നവും
സ്വർഗ്ഗം പോലെ യുയർന്നു
നില്ക്കും
സൗമ്യ സഹ്യ സാനുവും
നിർന്നി മേഷം നോക്കിനിന്നു
പരിചയം പുതുക്കിയും
വയൽ വരമ്പിൽ തൈജസകീടം
വെട്ട മേകി നടത്തിയും
ഓർമ്മകളയവിറക്കും ഉമ്മറ
ക്കോലായയിൽ
കാത്തിരിപ്പൂ കുഞ്ഞു നാളിലെ
കളിക്കുറുമ്പും കുസൃതിയും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ